Marathi kavita
सूर्याचा अस्त
सूर्याचा अस्त होताच .
काळोख चाचरत पुढे आला ..
म्हणाला, गेला का तो ?
जाणारच तो .......
माझ्यापुढे काय चालणार त्याचे ?
माझ्या सोबतीला आहेत चंद्र आणि तारे ,
लुकलुकणारा शुक्र , .लालभडक मंगळ. आणि कितीतरी ,
तो तर.......... एकटाच ... एकाकी .
रात्र होताच टिकतच नाही त्याचं अस्तित्व ........
सृष्टी हसली............ मनातल्या मनातच ,
आणि उद्याच्या सूर्योदयाची वाट पाहत पाहत,
मानवजातीला अंगाई गीत गाऊ लागली ......................
.....
Comments
Post a Comment